Të paktën tre persona kanë vdekur dhe mbi 800 të tjerë kanë mbetur të lënduar nga një tërmet që ka goditur të shtunën mbrëma Iranin, raportoi të dielën CNN-i.
Sipas agjencive iraniane të lajmeve, ky tërmet kishte magnitudë 5.9, ndërsa epiqendra e tij ishte në qytetin Khoy.
Agjencia e lajmeve “Tasmin” ka raportuar se bilanci është tre të vdekur dhe 816 të plagosur, ndërsa agjencia e lajmeve “Mehr” ka njoftuar se 70 fshatra janë dëmtuar, ndërsa operacionet e ndihmës dhe vlerësimit të dëmeve janë duke u zhvilluar.
Edhe Shërbimi Gjeologjik i Shteteve të Bashkuara (USGS) e regjistroi tërmetin me magnitudë 5.9 ballë.
“Tërmeti ishte aq i fortë sa u ndje në shumë rajone të provincës së Azerbajxhanit Perëndimor, duke shkaktuar shqetësim te banorët. Ai u ndje gjithashtu në disa qytete, duke përfshirë kryeqytetin e provincës Tabriz në provincën fqinje të Azerbajxhanit Lindor”, raportoi IRNA.
