Jacinda Ardern ka bërë të ditur se do të japë dorëheqje nga posti i kryeministres së Zelandës së Re para zgjedhjeve të këtij viti. Ajo ka thënë se nuk ka më energji për të udhëhequr vendin, raporton BBC. Ardern do të largohet më 7 shkurt.
Ardern ka treguar se sa sfiduese kanë qenë gjashtë vjet në postin e kryeministres.
Deputetët e partisë së saj Laburiste do të votojnë të dielën për të gjetur një zëvendësuese.
Njoftimi i Ardern vjen pasi sondazhet tregojnë se Laburistët do ta kenë një rrugë të vështirë për të marrë sërish pushtetin në zgjedhjet e 14 tetorit.
Ardern 42-vjeçare, tregon se e ka menduar gjatë vendimin duke filluar nga vera e kaluar, por nuk ka gjetur “energjinë” për të vazhduar.
“Për fat të keq nuk e gjeta këtë, dhe nuk do t’i shërbeja si duhet Zelandës së Re po të vazhdoja”, thotë Ardern.
Ardern do të largohet nga posti më 7 shkurt.
Ardern u bë kryeministrja më e re në botë, kur u zgjodh në vitin 2017 në moshën 37-vjeçare.
© KOHA. Të gjitha të drejtat janë të rezervuara.
