Katër të vdekur nga përmbytja e varkës me emigrantë në Kanalin Anglez
13:32
Katër të vdekur nga përmbytja e varkës me emigrantë në Kanalin Anglez
Katër persona janë konfirmuar të vdekur pasi një varkë që bartte emigrantë u përmbyt në Kanalin Anglez në orët e para të së mërkurës.
Sipas BBC-së, 43 emigrantë u shpëtuan, prej tyre 30 kishin mbetur nën ujë.
Qeveria britanike e ka përshkruar si një “ngjarje vërtetë tragjike”.
Së paku 45 mijë emigrantë kanë kaluar Kanalin Anglez këtë vit.
11:01
Dyshohet për emigrantë të vdekur pas përmbytjes së varkës në Kanalin Anglez
Një varkë e vogël që po barte emigrantë është mbytur në orët e para të mëngjesit në Kanalin Anglez, afër Kentit në Britani të Madhe.
Sipas BBC-së, raportohet se ka viktima, por kjo ende nuk është konfirmuar nga autoritetet.
Ekipet e shpëtimit të rojës bregdetare angleze janë dërguar atje për operacionin e kërkim dhe shpëtimit.
Qeveria e Britanisë së Madhe ka bërë të ditur se është në dijeni të incidentit dhe se agjencitë e saj janë duke e mbështetur reagimin e koordinuar.
Kanali Anglez shërben për të hyrë në rrugë ilegale në Britani. Shqiptarët frekuentojnë më së shumti këtë rrugë për të hyrë në shtetin britanik ilegalisht.
