I armatosuri që tentoi të futej në zyrën e FBI-së qëllohet për vdekje

Një burrë i armatosur i veshur me jelekun antiplumb u vra pasi u përpoq të hynte në një ndërtesë të FBI-së në Ohio, raportoi të premten BBC.

I dyshuari u largua nga vendi i ngjarjes në Cincinnati dhe u qëllua nga policia pas një përplasjeje disa orëshe në një zonë rurale.

Zyrtarët i thanë mediave amerikane se po shqyrtojnë nëse personi kishte ndonjë lidhje me grupet e ekstremit të djathtë.

Kreu i FBI tha se dhuna dhe kërcënimet kundër agjencisë "duhet të jenë thellësisht shqetësuese për të gjithë amerikanët".

Policia nuk e ka identifikuar zyrtarisht të dyshuarin e vrarë në Ohio dhe nuk ka komentuar motivin e tij.

Zyrtarë thanë se i dyshuari mund të ketë qenë i pranishëm në ndërtesën e Capitolit në Washington në ditën e trazirave të vitit të kaluar nga mbështetësit e Trumpit.