Medalistja e artë olimpike është arrestuar në shkurt në një aeroport afër Moskës, pasi në bagazhin e saj iu gjetën disa fishekë që përmbanin vaj të nxjerrë nga kanabisi.
"Isha duke paketuar gjërat e mia me nxitim dhe ky lloj vaji përfundoi aksidentalisht në çantën time”, tha ajo në gjykatën në Khimki.
Gjykimi ndaj filloi javën e kaluar dhe ajo mund të dënohet deri në 10 vjet burgim.
Partnerja e saj, Cherelle, ditë më parë i bëri thirrje presidentit të SHBA-së, Joe Biden, të bëjë çfarëdo që është e nevojshme për të siguruar lirimin e saj.
Ylli i basketbollit i ka dërguar Bidenit një letër duke thënë se mund të përfundojë përgjithmonë në Rusi.
Bideni i ka kthyer përgjigje Cherelle Grinerit, duke i thënë se po punon për të siguruar lirimin e basketbollistes sa më shpejt që është e mundur.
"Dua ta pranoj fajin, por nuk kisha asnjë qëllim. Nuk doja ta shkelja ligjin”, ka thënë basketbollistja në gjykatë.
Brittney Griner është një nga lojtaret më të suksesshme në ligën profesionale të femrave në SHBA, me ekipin e WNBA-së, Phoenix Mercury.
© KOHA. Të gjitha të drejtat janë të rezervuara.
