Arrestohet një 16-vjeçar në Londër nën dyshime për terrorizëm
Një djalë 16-vjeçar është arrestuar nën dyshime për terrorizëm, raporton BBC. Ai është ndaluar në aeroportin Stansted në Londër, derisa po priste të hipte në aeroplan.
Akuzat janë të lidhura me ideologjinë ekstremiste islamike, është njoftuar nga Policia e Londrës.
Ai mbetet në paraburgim.
Ai është arrestuar nën dyshimin se ka marrë informata që do t’i hynin në punë një personi që po përgatitej të kryente një akt terrorist.
Është kontrolluar edhe apartamenti ku po jetonte djaloshi në lindje të Londrës.
