Ukraina deri tani ka marrë vetëm 10 për qind të ndihmës ushtarake të kërkuar nga partnerët perëndimorë, ka njoftuar të martën zëvendësministrja ukrainase e mbrojtjes, Hanna Maliar, raportoi CNN-i.

Sipas saj, pa ndihmë më të madhe të armëve, do të jetë më e vështirë të ndalet përparimi në rritje i Rusisë.

“Çfarëdo përpjekje që të bëjmë, pavarësisht sa profesionale është ushtria jonë, pa ndihmën e partnerëve tanë perëndimorë Ukraina nuk do të jetë në gjendje ta fitojë këtë luftë”, ka thënë ajo.

Zyrtarët ukrainas kanë paralajmëruar se Rusia po fiton terren në rajonin e Donbasit në lindje të Ukrainës, veçanërisht në qytetin Severodonetsk, i cili është përballur me luftime më të ashpra ditëve kohëve të fundit.