Protestuesit myslimanë në Mumbai kanë protestuar kundër deklaratave të zyrtarëve të lartë të partisë nacionaliste hinduse në pushtet, të cilat u panë si fyerje të profetit të Islamit, profetit Muhamed dhe gruas së tij Ajshës.
India po përballet me zemërim të madh diplomatik nga vendet me shumicë myslimane pasi zyrtarët përdorën referenca nënçmuese ndaj Islamit dhe Profetit Muhamed, duke ngritur akuza për blasfemi në disa shtete arabe.
Të paktën pesë vende arabe kanë dorëzuar protesta zyrtare kundër Indisë. Pakistani dhe Afganistani, gjithashtu, reaguan ashpër të hënën ndaj komenteve të bëra nga dy zëdhënës të shquar nga Partia Bharatiya Janata e kryeministrit Narendra Modi.
Zemërimi është përhapur në mediat sociale dhe thirrjet për bojkot të mallrave indiane janë shfaqur në disa vende arabe. Në Indi, fyerja ka nxitur protesta kundër partisë së Modit.
Zemërimi është rritur që nga java e kaluar pasi dy zëdhënësit, Nupur Sharma dhe Naveen Jindal, bënë komente spekulative që u panë si fyese.
© KOHA. Të gjitha të drejtat janë të rezervuara.
