Presidenti i Ukrainës, Volodymyr Zelensky, ka shprehur ngushëllimet për familjarët dhe të afërmit e fëmijëve që janë vrarë në shkollën fillore në Uvalde të Teksasit, të martën.
"Dëshiroj të shpreh ngushëllimet e mia për të gjithë të afërmit dhe anëtarët e familjes së fëmijëve që u vranë në të shtënat e tmerrshme në Teksas”, ka thënë Zelensky, përmes një video-konference të mbajtur të mërkurën për forumin e Davosit, raportoi CNN-i.
Për 21 personat e vrarë, ku përfshihen 19 fëmijë, Zelensky ka thënë se “është e tmerrshme të ketë viktima të të shtënave në kohë paqeje”.
19 fëmijë dhe dy të rritur kanë vdekur si pasojë e të shtënave me armë në Teksas të Shteteve të Bashkuara të Amerikës të martën.
Një 18-vjeçar ka shtënë në shkollën fillore “Robb” në qytetin e Uvaldes, para se të vritej nga forcat policore.
-
25 maj 2022 20:46
-
Shpërndaje në: