Një kolonel i Gardës Revolucionare iraniane u vra të dielën në Teheran. Sipas raportimeve, dy sulmues të armatosur me një motoçikletë qëlluan pesë herë ndaj kolonelit Sayad Khodai në një makinë përpara shtëpisë së tij, njoftoi BBC-ja të hënën.
Deri më tash, asnjë grup nuk ka marrë përgjegjësinë për sulmin dhe kërkimet për sulmuesit janë duke vazhduar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKy është incidenti më i madh i sigurisë në Iran që nga viti 2020, kur u vra një shkencëtar kryesor bërthamor, thotë redaktori i BBC-së për Lindjen e Mesme, Sebastian Usher.
Pamjet nga vendi i ngjarjes tregojnë një burrë të gjakosur në një makinë me rripin e sigurimit ende të lidhur.
Koloneli Khodai ishte një anëtar i lartë i forcave elitare Quds, një njësi e jashtme sekrete e Gardës Revolucionare (IRGC) që kryente operacione jashtë vendit. Shtetet e Bashkuara i akuzojnë këto forca për mbështetje të organizatave terroriste dhe se janë përgjegjëse për sulmet në të gjithë Lindjen e Mesme.
Zëdhënësi i Ministrisë së Jashtme iraniane Saeed Khatibzadeh tha se koloneli u vra nga "armiqtë e betuar" të Iranit të cilët janë "agjentë terroristë të lidhur me arrogancën globale".