Presidenti i rajonit separatist gjeorgjian, ai i Osetisë Jugore, Anatoly Bibilov, ka deklaruar të mërkurën se territori do të ndërmarrë hapa në të ardhmen e afërt për t'u bërë pjesë e Rusisë.
Moska e njohu këtë territor dhe rajonin bregdetar të Abkhazisë si të pavarur, pas një lufte me Gjeorgjinë në vitin 2008. Ajo u ka ofruar këtyre rajoneve mbështetje të gjerë financiare, shtetësi për popullatën dhe ka vendosur mijëra trupa atje.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Unë besoj se bashkimi me Rusinë është qëllimi ynë strategjik, rruga jonë, aspirata e popullit”, citohet të ketë thënë Bibilov, përcjell Reuters.
“Ne do të marrim hapat përkatës ligjorë në të ardhmen e afërt. Republika e Osetisë së Jugut do të jetë pjesë e atdheut të saj historik – Rusisë”, ka shtuar ai.
Ashtu si në rajonin rusishtfolës Donbas të Ukrainës lindore, Moska ka përdorur njohjen e rajoneve të shkëputura dhe dhënien e shtetësive, për të mbajtur një prani të armatosur në një zonë të ish-Bashkimit Sovjetik që e sheh si pjesë të sferës së saj natyrale.
Në Ukrainë, mbështetja e gjatë e Rusisë për separatistët e armatosur në Donetsk dhe Luhansk i dha asaj një platformë për të nisur pushtimin ushtarak në shkallë të gjerë më 24 shkurt.