Një çrregullim i kërkesës dhe ofertës në treg ka shkaktuar krizën me gazë në Evropë.

Simone Tagliapietra, një bashkëpunëtore e lartë në Institutin Ekonomik në bazë në Bruksel ka thënë se Evropa po e sheh një krizë për sa i përket gazit natyror, ka raportuar Euronews të enjten.

Kërkesën e lartë e ka shkaktuar dimri i ftohtë e rrjedhimisht rritjen e nevojës për të rritur temperaturat brenda shtëpive.

Njëkohësisht Evropa është përballur edhe me një vit ku ka prodhuar më pak qymyr.

Po ashtu, Evropa po zvogëlon prodhimin vendas të gazit natyror.

“Shqetësimi i madh në treg është se niveli i ruajtjes së gazit në Evropë është më i ulët se zakonisht në këtë kohë të vitit. Ne nuk jemi të përgatitur”, ka thënë Tagliapietra.

Një rritje rekord e çmimeve të gazit natyror në Evropë po ngre shqetësime se konsumatorët do të goditen rëndë nga faturat e larta të energjisë.