2 perditesime
20:30

Vrasësi në Gjermani kishte paralajmëruar në WhatsApp për sulmin

Vrasësi në Gjermani kishte paralajmëruar në WhatsApp se do të kryejë sulmin në universitet.

18-vjeçari i kishte shkruar një personi tjetër se “personat tash duhet të dënohen”, shkruan gazeta Bild.

Ai u fut në një sallë të ligjëratave në Universitetin e Heidelbergut, ndërsa qëlloi fillimisht me armë zjarri në kokë një 23-vjeçare, e më pas plagosi një 19-vjeçare e një 21-vjeçaredhe një 20-vjeçar.

23-vjeçarja që u qëllua në kokë vdiq si pasojë e plagëve rreth orës 16:00.

Më pas sulmuesi iku nga objekti dhe kreu vetëvrasje jashtë objektit, siç është njoftuar nga Policia gjermane.

16:27

Shkon në dy numri i të vdekurve nga sulmi në Gjermani

Në një sallë të ligjëratave në Universitetin e Heidelbergut në Gjermani një person nisi një sulm me armë zjarri. Ai plagosi katër persona, ndërsa një nga viktimat nuk arriti t’i mbijetonte plagëve, raporton "Bild". 

Pas sulmit atentatori kreu vetëvrasje.

Ai fillimisht kishte nisur sulmin me armë në sallë e më pas u largua. Pastaj ai kreu vetëvrasje.

Policia e Gjermanisë llogaritë se bëhet fjalë vetëm për një sulmues.

Sulmuesi ishte edhe vet student. Mësohet se ai nuk kishte arsye politike apo fetare për sulmin.

14:50

Disa të plagosur nga një sulm i armatosur në Gjermani, dyshohet se sulmuesi bëri vetëvrasje

Një person i armatosur ka vdekur pasi ka plagosur disa persona në një sallë ligjëratash universitare në qytetin e Heidelberg, sipas policisë gjermane.

Ata thonë se personi i armatosur kishte një “armë të gjatë” dhe se një operacion i madh duke përfshirë shërbimet e urgjencës është duke u zhvilluar në zonën Neuenheimer Feld të qytetit.

Nuk dihet se sa persona janë lënduar.

Heidelberg është një qytet universitar në jugperëndim të Gjermanisë.

Policia u ka kërkuar njerëzve që të shmangin zonën në mënyrë që punonjësit e shpëtimit dhe shërbimet e urgjencës të mund të lëvizin lirshëm.

Gjermania është goditur vitet e fundit nga një sërë sulmesh, kryesisht të kryera nga xhihadistët ose militantët e ekstremit të djathtë.

Vendi ka disa nga ligjet më të rrepta të armëve në Evropë dhe të shtënat në shkolla janë të rralla.

Gazeta gjermane Bild raportoi se vrasësi ishte një student në universitet dhe kishte hapur zjarr në sallën e leksioneve përpara se të kthente armën kundër vetes.