Francezi 75-vjeçar që po tentonte ta kalonte Oqeanin Atlantik, është gjetur i vdekur, ka raportuar ekipi i tij.
Jean-Jacques Savin kishte kaluar Atlantikun në një fuçi të madhe në vitin 2019 dhe me anë të lopatave.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Për fat të keq, këtë herë oqeani ishte më i fortë se miku ynë, i cili e donte aq shumë lundrimin dhe detin”, ka njoftuar ekipi në Facebook.
Savin kishte ndezur dy fenerë për të treguar se është në telashe të enjten mbrëma.
Familja e tij nuk kishte dëgjuar asnjë lajm prej tij që nga atëherë.
“Kishim një shpresë të vogël”, ka thënë familja.
Por, të premten, kanuja e Savinit u gjet e përmbysur në Azore, një zinxhir ishullor në veri të Oqeanit Atlantik. U gjet nga autoritetet detare të Portugalisë.
Rrethanat e sakta të vdekjes së tij nuk janë bërë të ditura ende.
Savin festoi ditëlindjen e tij të 75-të në det javën e kaluar.
Ai u nis nga Sagres në jug të Portugalisë më 1 janar, me synimin për ta kaluar i vetëm Oqeanin me kanu.
Të mërkurën ai shkroi në Facebook se kishte erëra të forta që e bënë udhëtimin e tij më të gjatë për 900 kilometra.