Një vit pas bllokimit të plotë, Holanda sërish e përjeton mbylljen, përveç sektorëve thelbësorë. Do të jetë një fundvit festash pa vizitë në një treg Krishtlindjesh, restorant, kafene, kazino, muze, dyqan mode, kinema apo edhe parukeri.
"Holanda po shkon përsëri në izolim", ka thënë kryeministri Rutte gjatë konferencës për shtyp "me zemër të zymtë". “Holanda do të mbyllet sërish”, shtoi ai, transmeton Telegraafi holandez.
Masat do të hyjnë në fuqi të dielën në mëngjes dhe do të zgjasin të paktën deri më 14 janar. Këshilla urgjente mbetet për të pritur vetëm katër vizitorë në ditë në shtëpi, më të vjetër se 13 vjeç.
Një përjashtim nga bllokimi do të bëhet për dyqanet dhe shërbimet thelbësore. Supermarketet, furrtarët, farmacitë, bankat dhe huadhënësit e hipotekave mund të vazhdojnë të funksionojnë në javët e ardhshme, ndërsa restorantet e kafenetë do të shërbejnë “merr me vete”.
Nga e mërkura, njerëzit që udhëtojnë për në Holandë nga jashtë zonës së hapur kufitare Shengen do të duhet të paraqesin një test negativ të koronavirusit, edhe nëse ata janë vaksinuar plotësisht ose janë shëruar së fundmi nga koronavirusi.
Sportet nuk do të ndalohen, por do të jenë me stadiume boshe.
Vetëm dy njerëz mund të ecin bashkë në rrugë.
Arsimi dhe kujdesi jashtëshkollor janë të mbyllura të paktën deri më 9 janar. Më 3 janar, kabineti do të vendosë nëse arsimi mund të hapet nga 10 janari.
Masat janë marrë pas përhapjes së shpejt të variantit Omicron.
