Botë

Betohet kancelari i ri austriak, Karl Nehammer

Foto: AP
 

Ish-ministri i Brendshëm austriak, Karl Nehammer është betuar sot në postin e kancelarit të ri. Nehammer është kancelari i tretë austriak brenda tre muajsh pasi akuzat për korrupsion tronditën Partinë Popullore, të cilës i takon.

Kancelari paraprak austriak, Alexander Schallenberg dha dorëheqje më 2 dhjetor pasi paraardhësi i tij dhe aleati i afërt, Sebastian Kurz njoftoi se po tërhiqet nga politika dhe Partia Popullore pas skandaleve me korrupsion.