Kryeministri miliarder i Republikës Çeke, Andrej Babis, dhe partia e tij në pushtet ANO do të humbasin shumicën në Parlament, sugjerojnë rezultatet e pjesshme.
Me rreth 99% të zonave të votimit që raportojnë, televizioni çek parashikon se dy koalicionet e opozitës do të fitojnë 108 nga 200 vende në Parlament.
Të dy grupet e koalicionit kanë thënë se nuk do të bashkëpunojnë me Babis.
Ivan Bartos i koalicionit Pirates/Mayors ka thënë se opozita do të fillojë bisedimet për formimin e një qeverie.
Sipas një numri të rezultateve të transmetuara nga agjencia e lajmeve Reuters, ANO populiste fitoi gati 27.2% të votave, me koalicionin e qendrës së djathtë Spolu duke fituar 27.7% dhe koalicionin liberal Pirates/Mayors PirStan duke marrë 15.5%.
Presidenti Milos Zeman, kreu i shtetit 77-vjeçar, tha më parë se do t'i jepte zotit Babis mundësinë për të formuar një qeveri nëse partia e tij fitonte më shumë vende.
Por nëse koalicionet opozitare mbajnë premtimin e tyre, do të ishte matematikisht e pamundur që lideri dhe partia ANO të qëndrojnë në pushtet.
Duke iu drejtuar një turme mbështetësish, udhëheqësi i Spolu, Petr Fiala, tha se së bashku koalicionet kishin një shans për të formuar një qeveri me shumicë.
"Ky është ndryshimi, ne jemi ndryshimi, ju jeni ndryshimi", deklaroi ai.
Babis tha "ishin pesë parti kundër nesh dhe ata kishin vetëm një program, për të hequr Babisin", duke shtuar se opozita kishte "theksuar skandale të ndryshme të shpikura" për ta mposhtur atë.
© KOHA. Të gjitha të drejtat janë të rezervuara.
