Me mijëra të evakuuar pasi lava shkatërron mbi 100 shtëpi në La Palma

Erupsioni i parë i vullkanit pas më shumë se 50 vjetësh ka nxitur evakuimin e më shumë se 5 mijë personave, përfshirë 50 turistëve nga zona, dhe shkatërrimin e mbi 100 shtëpive në Ishujt Kanarine.

Lava ka shkatërruar disa prej shtëpive të izoluara dhe ka kërcënuar të depërtojë deri në qytetet bregdetare. Re të dendura tymi janë ngritur nga gryka e vullkanit, ku shkencëtarët po e përcillnin nga afër akumulimin e lavës nën sipërfaqe. Njerëzit në La Palma jetojnë kryesisht nga bujqësia dhe zyrtarët e sigurisë kanë evakuuar edhe një numër të madh kafshësh gjatë së hënës.