Trafikuesit po marrin deri në 700 mijë funte (815 mijë euro) për kalimin e Kanalit Anglez, është zbuluar, pasi ditës rekorde kur në Kent të Britanisë zbarkuan 800 imigrantë, raporton “Daily Mail”.

Trafikuesit e qenieve njerëzore po mbushin anijet me 30-40 persona, nganjëherë dhe më tepër, duke u kërkuar deri në 20 mijë funte (23.3 mijë euro) për kokë.

Është mjaft përfituese nga ta, pasi u duhen vetëm 2 mijë funte (2330 euro) për një varkë, ka njoftuar Policia e Francës. Madje është përfitim më i madh sesa me trafikim të drogës, sipas policisë franceze.

Këto komente vijnë pasi të shtunën në brigjet e Anglisë kanë arritur mbi 600 imigrantë, ndërsa dyshohet të jenë edhe më tepër, në afro 800.

Kjo shifër e ka kaluar rekordin ditor prej 592 të vendosur më 12 gusht.