Botë

Forcat amerikane mbërrijnë në Kabul për të asistuar në evakuim

Forcat e para amerikane kanë mbërritur në Kabul për të asistuar në përshpejtimin e evakuimit të diplomatëve amerikanë dhe mijëra afganëve nga qytetit i rrethuar prej talebanëve.

Zëdhënësi i Pentagonit, John Kirby, ka thënë se disa batalione ushtarake tanimë janë në Kabul, si pjesë e planeve për largimin e pjesëtarëve të stafit të Ambasadës dhe qytetarëve nga vendi.

Talebanët, të trimëruar nga përfundimi i misionit luftarak të Shteteve të Bashkuara të Amerikës në Afganistan, kanë vënë nën kontroll pjesën më të madhe të kryeqyteteve krahinore, duke e thelluar frikën për avancimin të shpejt drejt kryeqytetit me miliona banorë, shkruajnë mediat e huaja.

Kabuli tanimë është i rrethuar nga të gjitha anët prej talebanëve, të cilët kanë pushtuar pothuajse gjysmën e territorit brenda pak ditësh.