Botë

Mbyllet Pentagoni pas të shtënave afër stacionit të metrosë

Të shtëna janë shkrepur të martën në afërsi të hyrjes së Pentagonit, duke lënë disa të lënduar. Si rrjedhojë, Pentagoni është mbyllur. Departamenti i fikjes së zjarrit në Arlington County ka raportuar për “pacientë të shumtë”, porse nuk është bërë e ditur nëse është specifikuar nëse ata janë lënduar nga të shtënat dhe as nuk është raportuar mbi përmasat e lëndimeve.

Të shtënat raportohet se kanë ndodhur në platformën e stacionit të metrosë që është pjesë e Qendrës Transitore të Pentagonit, ka shkruar në Twitter Agjencia e Forcës së Mbrojtjes në Pentagoni. Lokacioni është pak hapa larg ndërtesës së Pentagonit në Arlington County.

Një gazetar i agjencisë Associated Press që ndodhej afër ndërtesës ka raportuar për të shtëna të shumëfishta, të cilat më pas ndaluan për të vazhduar me shkrepjen e një të fundit. Pentagoni ka njoftuar se godina është mbyllur shkaku i “aktivitetitr policor”. Agjencia përgjegjëse për sigurinë në Pentagon më vonë ka njoftuar se skena e incidentit është e sigurit, ndonëse nuk është bërë e ditur nëse masa e mbylljes është shfuqizuar.