Mbi 150 persona dyshohet se kanë vdekur në veri-perëndim të Nigerisë, pasi një anije me të cilin po lundronin rreth 200 persona është prishur dhe është fundosur në një lum, kanë njoftuar zyrtarët nigerianë, raporton BBC.
Shumica e pasagjerëve ishin gra dhe fëmijë që po udhëtonin nga shteti i Nigerit për në Kebbi të Nigerisë.
Së paku 20 persona janë shpëtuar, ndërsa autoritetet fajësojnë mbingarkesën për aksidentin që ndodhi të mërkurën.
Zhytësit dhe punonjësit e emergjencës po përpiqeshin të shpëtonin tjerët në lumin Niger.
Presidenti i Nigerisë, Muhammadu Buhari ka thënë se është tragjedi e madhe, ndërsa ka ofruar ngushëllime për familjet e viktimave.
“Vetëm 20 persona janë shpëtuar, katër janë konfirmuar të vdekur, ndërsa 156 ende mungojnë dhe besojnë se janë nën ujë”, ka thënë Yusuf Birma, i Autoritetit Nacional të Ujërave në Nigeri.
© KOHA. Të gjitha të drejtat janë të rezervuara.
