Presidenti i Shteteve të Bashkuara të Amerikës, Joe Biden, po përgatitet të deklarojë se vrasjet e Perandorisë Osmane në mbi një milion armenë gjatë Luftës së Parë Botërore të jetë një akt gjenocidi.
Kjo lëvizje, edhe pse simbolike, mund të ndikojë në lidhjet tashmë të tensionuara që SHBA-ja ka me Turqinë dhe është një ndryshim i madh nga qëndrimi i mëparshëm i vendit.
Sipas mediave ndërkombëtare, Bideni ka të ngjarë të përdorë fjalën "gjenocid" si pjesë e një deklarate më 24 prill kur përkujtimet vjetore për viktimat e Luftës së Parë mbahen në të gjithë botën.
"Ai mori vendimin dhe do ta përdorë fjalën gjenocid në deklaratën e tij të shtunën", sipas një burimi të mediave të huaja.
Sidoqoftë, burimet gjithashtu treguan se Bideni mund të ndryshojë mendim momentin e fundit duke pasur parasysh rëndësinë e lidhjeve dypalëshe të Amerikës me Turqinë.
Vitin e kaluar, Bideni ka thënë se ai "do të mbështeste një rezolutë që njeh gjenocidin armen dhe do t'i bëjë të drejtat universale të njeriut përparësi kryesore". Edhe gjatë fushatës së tij presidenciale, Bideni ka thënë se do të mbështeste përpjekjet për të njohur mizoritë si një akt gjenocidi.
Sekretari i shtypit i Shtëpisë së Bardhë, Jen Psaki, mohoi të komentonte mbi çështjen, por shtoi se ajo pret që Biden do të ketë "më shumë për të thënë në lidhje me Ditën e Përkujtimit të shtunën".
Duke iu përgjigjur raporteve të lëvizjes nga Biden, ministri i Jashtëm i Turqisë, Mevlut Cavusoglu, ka thënë të martën se çdo veprim i presidentit amerikan për të njohur vrasjet masive si një gjenocid do të dëmtojë më tej lidhjet e tendosura midis aleatëve të NATO-s.
© KOHA. Të gjitha të drejtat janë të rezervuara.
