Sllovenia është shokuar me vdekjen e dhunshme të Gashper Tiçës, artist dhe kryetar i Shoqatës së Artistëve Dramatikë, të cilin, të dielën, në rrethana të pashpjegueshme në banesën tij, në qendrën e Lubjanës së vjetër, me thikë e mbyti një 20 vjeçar, njoftojnë medie sllovene.

Policia ka konfirmuar të jetë gjetur një trup i pajetë i një mashkulli në qendër Lubjanës, por nuk ka dhënë detaje të tjera, transmeton Koha.net.

Mediet shkruajnë se Tiç, vdekjen e të cilit e ka konfirmuar përfaqësuesi i Teatrit të qytetit në Lubjanë, ka qenë në banesë me një 20 vjeçar me të cilin ishte grindur zhurmshëm.

Ai është vrarë me një mjet të fortë e thuhet se artisti ishte prerë në fyt.

I dyshimti për vrasje është arrestuar.

Tiç ka qenë një nga artisët më njohur i brezit të ri në Slloveni. Është lindur në Kopër në vit 1973. Me aktrim është marrë nga viti 1991.