Rreth 20 njerëz pësuan lëndime kur policia gjuajti me plumba gome dhe gaz lotsjellës ndërsa shpërthyen protestat mbi trajtimin e COVID-19 nga qeveria e Paraguait.
Qindra protestues, kryesisht të rinj, dolën në rrugët e kryeqytetit, Asuncion, ndërsa infeksionet me koronavirus kanë arritur nivele rekord dhe spitalet janë në prag të kolapsit në të gjithë vendin e Amerikës së Jugut, raporton Independent.
Protestuesit ndezën flakadanë, hodhën gurë ndaj policisë, thyen barrierat e sigurisë dhe po digjnin çdo gjë në rrugë ndërsa përplasjet e dhunshme e kthyen zonën përreth ndërtesës së Kongresit të Asuncion në një fushë beteje të improvizuar të premten në mbrëmje.
Protestuesit kërkuan dorëheqjen e presidentit të vendit, Mario Abdo Benitez. Deri në 20 persona u lënduan, duke përfshirë një polic.
-
Protestuesit përleshen me policinë në veri të Argjentinës
-
Vazhdojnë protestat në Peru, kërkohet dorëheqja e kongresistëve
-
Presidenti i Paraguait shkarkon tre ministra në reagim ndaj protestave të dhunshme
-
Dy të vdekur në protestat në Peru
-
Trazira në burgun e Bogotas për shkak të koronavirusit, mbi 20 të vdekur