Shtabi Koordinues Nacional për sëmundjet infektive në Mal të Zi ka vendosur sot që të kthejë orën policore si masë kundër përhapjes së koronavirusit, shkruan gazeta Vijesti.
Nga e mërkura, qytetarët nuk do të mund të dalin nga shtëpitë e tyre pas orës 19:00 deri në orën 5:00. Masa do të vlejë deri më 8 dhjetor.
Po ashtu, është marrë vendimi që të shkurtohet orari në sektorin e gastronomisë. Lokalet duhet të mbyllen në orën 18:00. Deri më tash lejoheshin të punonin deri në orën 20:00.
Kohëve të fundit, në Mal të Zi situata me COVID-19 është e rëndë. Deri më tash janë shënuar 31.062 raste, ndërkohë që kanë vdekur si pasojë e COVID-19, 439 pacientë.
