Në muzeun e ndërtuar për nderimin e viktimave të luftës së Afganistanit, vizitorët shohin se si breza të ndryshëm të afganëve kanë përjetuar pasojat e konflikteve të katër dekadave të fundit në vend. Këtu reflektohen krenaria dhe dhimbja e popullit të vuajtur.
Fahria Hajat kujton sulmin që ia ndryshoi jetën familjes së saj përgjithmonë.
Ishte viti 1995 kur kryeqyteti afgan ishte nën shtetrrethim, i sulmuar me raketa prej grupeve rivale muhaxhedine. Një raketë shpërtheu në oborrin e saj, duke ia vrarë vëllanë dhe lënë motrën përjetësisht në karrocë.
Hajat është një prej vizitorëve të Qendrës për Dialog dhe Kujtesë. Ajo dhe afganët tjerë tregojnë se si militantët e Abdul Sajafit po bombardonin qytetin. Ai ishte i njohur për lidhjet me “Al-Kaidën” në vitet nëntëdhjetë.
Danish Habibi ishte fëmijë kur më 200 talebanët morën kontrollin e fshatit në luginën Bamijam. Për të, kujtimet e asaj kohe janë kthyer në ankth të vazhdueshëm.
Burrat ishin ndarë nga gratë dhe fëmijët. Babai i Habibit iu kthye me këmbë të thyer. Më kurrë nuk mundi të ecte në këmbë të veta. Edhe ish-lideri Hamid Karzai ka rrëfyer për tmerrin e dekadave me konflikte. Megjithatë shpreson se muzeu do të kthehet në burim force.
-
18 tetor 2020 19:32
-
Shpërndaje në: