Ministria e Shëndetësisë e Ukrainës ka bërë të ditur të enjten se në total 324 spitale janë dëmtuar, ndërkaq 24 prej tyre janë shkatërruar plotësisht që kur ka nisur pushtimi rus i Ukrainës, më 24 shkurt.
Autoritetet janë duke punuar në planet e tyre për të rindërtuar disa spitale dhe për t’u marrë me riparime tek ato që janë dëmtuar, raportoi Sky News të enjten.
Sipas Ministrisë së Shëndetësisë të Ukrainës, tash për tash shërbimet mjekësore po kryhen në disa spitale mobile të ngritura në vendet ku janë shkatërruar ato.
Ndonëse Rusia ka deklaruar vazhdimisht se nuk e ka cak infrastrukturën civile, të dhënat nga terreni tregojnë për shkolla, spitale dhe ndërtesa banimi të shkatërruara nga sulmet me raketa.
Artikuj të ngjashëm
-
100 miliardë dollarë konsiderohen të jenë dëmet në Ukrainë prej pushtimit
-
OBSH-ja thotë se 24 institucione shëndetësore në Ukrainë janë sulmuar në dy javë
-
Mbi 60 spitale ukrainase jashtë funksionit pas sulmeve ruse
-
Mbi dy mijë objekte kulturore janë shkatërruar gjatë luftës në Ukrainë
-
Shkon në 31 numri i të vdekurve nga sulmet e fundit ruse në Ukrainë