Armenia e ka akuzuar Turqinë se ia ka rrëzuar një nga aeroplanët ushtarak dhe se piloti ka vdekur gjatë këtij sulmi, transmeton agjencia Reuters.
Ministria e Mbrojtjes e Armenisë ka thënë se një aeroplan ushtarak armen SU-25 është rrëzuar nga një aeroplan luftarak turk F-16.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoZëdhënësja e Ministrisë së Mbrojtjes, Shushan Stepanyan, ka shkruar në Facebook se aeroplani ka qenë në detyrë ushtarake kur është rrëzuar.
Luftimet mes Armenisë dhe Azerbajxhanit janë duke vazhduar në territorin Nagorno-Karabakh. Turqia më herët ka thënë se do t’i dal në krah Azerbajxhanit.
Nagorno-Karabakh gjendet në Azerbajxhan por kontrollohet nga armenët. Luftimet në këtë territor kanë nisur të dielën. Por janë duke u zgjeruar edhe në vende tjera. Në Azerbajxhan është thënë se kanë vdekur dhjetë civilë nga predhat që nga e diela. Ndërkohë Armenia ka njoftuar se një civil ka vdekur në qytetin Vardenis 20 kilometra nga Nagorno-Karabakh.