Muzikanti iranian, Mehdi Rajabian, ka thënë se është në arrest shtëpiak për shkak të bashkëpunimit me një valltare dhe disa këngëtare, gjë kjo e cila bie në kundërshtim me rregullat e shtetit që ndalojnë artistët femra të performojnë, ndërsa ai po pret gjykimin.
30-vjeçari Rajabian, tha se u arrestua më 10 gusht pas raportimeve të mediave se projekti i tij i fundit do të përfshinte këngëtare femra dhe do të publikohej një video e një gruaje duke vallëzuar me muzikën e tij, të dy këto veprime të cilat konsiderohen të pamoralshme sipas ligjit iranian, raporton Reuters.
“Edhe nëse shkoj në burg me qindra herë, projektit tim i duhet të ketë këngëtar femër dhe valltare”, tha Rajabian, i cili ka qenë i burgosur edhe dy herë të tjera për shkak të muzikës së tij.
Irani ka censuruar artin dhe muzikën për shumë kohë dhe ka arrestuar qindra përformues nën ligjet e paqarta, të definuara si të ndershmërisë, të cilat kanë në fokus gratë dhe pakicat seksuale, sipas Human Rights Watch, transmeton KOHA.
Qeveria iraniane vitin e kaluar ishte përballur me protesta masive për lirinë e femrave. Shumë prej tyre kanë protestuar duke hequr shamitë në transmetime direkte.
