Robert Trump, vëllai i vogël i presidentit amerikan Donald Trump, është shtruar në spital në New York, konfirmoi sot Shtëpia e Bardhë.
“Presidenti pritet të udhëtojë në New York për ta vizituar atë”, konfirmuan burimet për CNN.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDetajet e gjendjes së Robert Trump nuk janë zbuluar, por zyrtarët i thanë ABC News se vëllai i presidentit është “shumë i sëmurë”.
Sekretari i shtypit i Shtëpisë së Bardhë, Kayleigh McEnany tha se Trumpi dhe vëllai i tij “kanë një marrëdhënie shumë të mirë” dhe se presidenti do të jepte më shumë detaje më vonë.
Në qershor, Robert Trump u shtrua në spital, në njësinë e kujdesit intensiv për më shumë se një javë.
Fred Trump Jr, vëllai më i madh i presidentit, vdiq në vitin 1981 në moshën 43 vjeç nga ndërlikimet me alkoolin. Vdekja e parakohshme e vëllait të tij ka pasur një ndikim të thellë në jetën e presidentit dhe ai ka thënë se nuk pi kurrë për shkak të kësaj historie.