Botë

Rusia pranon kërkesë për një miliard vaksina kundër COVID-19

Rusia pranon kërkesë për një miliard vaksina kundër COVID-19
Foto: Reuters

Vaksina ruse kundër koronavirusit po vazhdohet të shihet me dyshime nga shtetet e zhvilluara evropiane dhe nga Organizata Botërore e Shëndetësisë (OBSH) për shkak të zhvillimit të shpejtë të saj.

Mirëpo, vetëm një ditë pasi presidenti rus Vladimir Putin, njoftoi se vaksina e emërtuar “Sputnik V” u regjistrua dhe së shpejti do të fillojë të prodhohet në masë, në adresë të kompanisë prodhuese kanë ardhur porosi nga 20 shtete me kërkesë që të sigurohen një miliard doza, ka njoftuar “Russia Today” të mërkurën.