Policia britanike ka thënë se 22 persona, përfshi edhe disa fëmijë, ka vdekur në sulmin vetëvrasës të ndërmarr nga një person pas një koncerti të Ariana Grandes në Manchester të hënën.
“Në këtë fazë, ne besojmë se sulmi i mbrëmshëm është kryer nga një person”, thotë shefi policor i Manchesterit, Ian Hopkins, raporton Reuters.
“Prioritet yni është të konstatojmë nëse ai ka vepruar i vetëm apo është pjesë e ndonjë rrjeti. Sulmuesi, mund të konfirmoj se ka vdekur në vend të ngjarjes. Ne besojmë se sulmuesi ka bartur mjet të improvizuar shpërthyes i cili, me të shpërthyer shkaktoi këtë tmerr”, shtoi Hopkins, transmeton Koha.net.
Artikuj të ngjashëm
