Botë

Tërheqja e Sandersit i hap rrugë ballafaqimit Biden-Trump

Tërheqja e Sandersit i hap rrugë ballafaqimit Biden-Trump

Bernie Sanders, socialdemokrati që me agjendën e tij progresive e shtyri partinë demokrate kah e majta, i ka dhënë fund të mërkurën fushatës së tij për Shtëpinë e Bardhë, duke ia hapur rrugën ish-nënpresidentit, Joe Biden, për ballafaqimin me presidentin republikan, Donald Trump, në zgjedhjet e 3 nëntorit.

Sanders, favorit i dikurshëm që premtoi revolucion politik në Shtëpinë e Bardhë, ka pranuar se shtegu i tij drejt nominimit më nuk është i mundur, pasi që pësoi një mori disfatash zgjedhore kundruall Bidenit. Mirëpo ai premtoi që të bashkëpunojë ngushtë me ish-nënpresidentin me qëllim të mposhtjes së Trumpit, raporton Reuters.