Marina e Maltës njoftoi sot shpëtimin gjatë mbrëmjes së kaluar të 216 migrantëve të cilët ndodheshin në kushte të vështira në dy anije në Mesdhe.
Ata u pritën sot në mëngjes në Valeta, ditë që përkon edhe me nisjen e procesit të votimit për zgjedhjet evropiane.
Grupi i parë u shpëtua të premten në mbrëmje pas thirrjes për ndihmë pasi anija kishte nisur të mbushej me ujë.
Në mbrëmje, Malta mori një tjetër thirrje për ndihmë në det, anija e patrullimit e cila po lundronte drejt Valetës me migrantët e grupit të parë u kthye mbrapsht për ti ardhur në ndihmë grupit të dytë.
Sipas marinës, gra shtatzëna dhe të mitur të pa shoqëruar regjistrohen në mesin e migrantëve të shpëtuar.
Shtet i vogël me 450 000 banorë i cili ndodhet në jug të Sicilisë, Malta gjatë viteve të fundit ia ka lënë detyrën e vështirë Italisë për të marrë përgjegjësinë e shpëtimit dhe pritjes së migrantëve që nisen nga Libia me shpresën për të arritur në Evropë./Atsh/
-
Të paktën 11 të vdekur nga përmbysja e një varke me emigrantë në Mesdhe
-
Të paktën 26 migrantë të vdekur nga fundosja e dy anijeve në Itali
-
Aktivistët e flotës së ndihmave për Gazën dërgohen në Kretë pas ndërhyrjes së Izraelit
-
22 migrantë vdesin afër Greqisë pas gjashtë ditësh në det
-
Qindra emigrantë po zhduken në Mesdhe, autoritetet po i fshehin të dhënat