Presidenti amerikan Donald Trump ka shkaktuar incident në konferencën për media, të shtunën, pasi sulmoi verbalisht gazetarin e NBC-së, Peter Alexander.
Trump u nervozua me gazetarin, pasi në fund të konferencës ai e pyeti presidentin nëse dëshiron t’u adresohet mijëra të infektuarve me koronavirus dhe miliona amerikanëve të shqetësuar.
“Dua të them se ju jeni një gazetar i dëshpëruar”, iu përgjigj Trump gazetarit.
Trump më pas nisi të përgjigjet në pyetjen e radhës, por iu kthye edhe një herë Alexanderit.
“Është një pyetje e mbrapshtë dhe ju po merreni me senzacionalizëm. Këtë po e bëni ju dhe televizioni juaj. A e dini çfarë do t’iu them? Më mirë kthejuni raportimit sesa të merreni me senzacionalizëm”, shtoi Trump.
Pak më vonë, në mbrojtje të Alexanderit doli gazetarja e CNN-it, Kaitlan Collins, e cila e pyeti presidentin amerikan nëse është pa shije të përlahet me gazetarët në kohë krize.
“Ai nuk është gazetar i mirë dhe në këtë kohë e kemi të vështirë të qëndrojmë së bashku kur duhemi të merremi me këso gazetarë të pandershëm”, iu përgjigj Trump gazetares.
NBC's @PeterAlexander asks Trump what he'd say to Americans who are frightened.
— Oliver Darcy (@oliverdarcy) March 20, 2020
Trump goes on rant against Alexander, says he asked a "nasty question," calls him a "terrible reporter" and attacks NBC and Comcast. pic.twitter.com/vZAk3M4mqR
