21 anëtarë të ushtrisë saudite janë dëbuar nga Shtetet e Bashkuara pasi njëri prej kadetëve kreu një sulm masiv në një bazë ajrore.
Prokurori i Përgjithshëm amerikan, William Barr, ka deklaruar se kadetët posedonin materiale xhihadiste, raporton KTV.
Tre amerikanë u vranë dhe tetë të tjerë u plagosën më 6 dhjetor në sulmin e kadetëve sauditë. E stërvitjet e ushtarëve sauditë janë suspenduar për një kohë të pacaktuar.
Prokurori i Përgjithshëm në një konferencë për media deklaroi se sulmi në bazën ajrore të Pensacolas ishte akt terrorist. Ai ka kërkuar që të hetohen dy telefonat që i përkisnin sulmuesit. Ai gjithashtu mohoi se kadetët tjerë sauditë filmuan vrasësin teksa po kryente sulmin ndaj marinsëve amerikanë.
