Turqia kërcënon se do të lëshojë drejt Evropës refugjatët sirianë nëse BE-ja s’e ndihmon Foto: Reuters

Turqia kërcënon se do të lëshojë drejt Evropës refugjatët sirianë nëse BE-ja s’e ndihmon

07 November 2019 18:44

Turqia duhet të hapë derën e Evropës për refugjatët sirianë nëse Bashkimi Evropian nuk i siguron Ankarasë mbështetje të mjaftueshme, tha sot presidenti Recep Tayyip Erdogan, duke shtuar se Turqia nuk mund të bartë e vetme barrën.

Turqia dëshiron të krijojë një “zonë të sigurt” në veri-lindje të Sirisë, ku deri në 2 milionë refugjatë sirianë mund të lëvizin pasi rajoni të “pastrohet nga milicia kurde”.

Ankaraja vazhdimisht i ka bërë thirrje BE-së të ndihmojë Turqinë të presë më shumë se 3.5 milionë refugjatë.

“Pavarësisht nëse marrim mbështetje ose jo, ne do të vazhdojmë të ndihmojmë mysafirët që presim. Por nëse nuk kemi sukses, atëherë na duhet të hapim derën”, tha Erdogan në një konferencë për shtyp me kryeministrin hungarez Viktor Orban në Budapest.

Komentet

Shto koment

Të ngjashme