Kryeministri kanadez Justin Trudeau ka thirrur zgjedhjet e përgjithshme më 21 tetor.
Siç raporton BBC, sondazhet e deritashme tregojnë se do të zhvillohet një garë e vështirë për Trudeaun, kryeministrin aktual, i cili tashmë po kërkon një mandat të dytë, transmeton Koha.net.
Fushata do të përqendrohet në disa çështje mjaft të rëndësishme në Kanada, atë të ekonomisë dhe çështjes së klimës.
Kanadezët u drejtohen kutive të votimit çdo katër vjet dhe 21 tetor, është data që do të zhvillohen zgjedhjet e ardhshme. Fushata pra do të zgjasë pak më shumë se pesë javë.
