Botë

Polonia do t’ia paraqesë gjermanëve “faturën” për Luftën e Dytë Botërore

Polonia do t’ia paraqesë gjermanëve “faturën” për Luftën e Dytë Botërore

“Lufta ka shkaktuar në Poloni dëme të jashtëzakonshme”. Para përkujtimit të 80-vjetorit të sulmit të Gjermanisë naziste ndaj Polonisë, presidenti polak, Andrzej Duda përsërit kërkesat e Polonisë për reparacione.

Reparacionet e luftës janë „një çështje e përgjegjësisë dhe moralit", ka thënë presidenti polak, Andrzej Duda për gazetën „Bild" të shtunën (31.08). „Lufta, për të cilën flasim sot ka shkaktuar në Poloni dëme të jashtëzakonshme". Parlamenti polak do të paraqesë për këtë „një faturë". „Gati 6 milionë qytetarë polakë janë vrarë, qytetet tona u rrënuan, kryeqyteti ynë u shkatërrua tërësisht", është shprehur kreu i shtetit polak për gazetën gjermane. „Shumica ishin civilë të pafajshëm, të vrarë në bastisje, aksione të ndryshme, në geto dhe kampe përqëndrimi. Ne nuk e harrojmë këtë: Gati gjysma e viktimave polake, tre milionë vetë ishin hebrenj, të shuar brutalisht nga ideja e çmendur racore e Hitlerit."