Vatra të mëdha zjarri në Greqi, evakuohen turistët

Vatra të mëdha zjarri në Greqi, evakuohen turistët

26 August 2019 16:17

Vendi fqinj po lufton sërish me flakët ndërsa dhjetëra vatra zjarri janë regjistruar në disa pyje pranë zonave bregdetare.

Mijëra njerëz janë evakuuar nga hotelet dhe plazhet, rreth 700 zjarrfikës janë mobilizuar për shuarjen e flakëve ndërsa erërat e forta dhe moti i nxehtë e vështirësojnë edhe më shumë situatën.

Në ishullin Samos, rreth 1.000 turistë u evakuuan bashkë me banorët nga plazhet e njohura në lindje të ishullit. Dy persona janë vënë në pranga në Kretë për zjarrvënie të qëllimshme.

Një tjetër vatër zjarri u raportua në Egaleo, afër një baze të NATO-s, por nuk përbënte asnjë kërcënim për zonat e banuara. E njëjta situatë edhe në rajonin jugor të Peloponezit dhe Kretë.

Fatmirësisht nuk ka të lënduar dhe zjarret janë vendosur nën kontroll duke shmangur kështu rrezikun për zonat e banuara. Greqia përfshihet shpesh nga flakët ndërsa temperaturat rriten në muajt e thatë të verës./vizionplus

Komentet

Shto koment

Të ngjashme