Kryeministrja May pritet të njoftojë datën e largimit të saj nga detyra Foto: Reuters

May pritet të dorëhiqet më 7 qershor

24 May 2019 11:02
11:18

Kryeministrja britanike Theresa May sot ka njoftuar se më 7 qershor do të dorëhiqet, raporton Reuters.

Kjo nënkupton se një lider i ri do të marrë pushtetin për të shtyrë përpara marrëveshjen finale të Brexitit.

Ajo do të japë dorëheqje si lidere e Partisë Konservatore më 7 qershor, transmeton Koha.net.

“Do të jap dorëheqje si lidere e Partisë Konservatore të premten, më 7 qershor, në mënyrë që të zgjidhet një pasardhës”, u shpreh May jashtë “10 Downing Street”.

Derisa ka shtuar se, "Kam bërë më të mirën time. Është dhe do të mbetet gjithmonë një pikëllim i thellë për mua fakti që nuk kam qenë në gjendje të finalizoj Brexit".

11:02

Kryeministrja May pritet të njoftojë datën e largimit të saj nga detyra

Kryeministrja britanike, Theresa May, pritet të lajmërojë datën e largimit të saj nga detyra, i kanë thënë BBC-së zyrtarë të lartë të qeverisë britanike.

Burimet thonë se presin që kryeministrja May të paraqesë një afat kohor për zgjedhjen e pasardhësit të saj. Megjithatë, ende nuk ka pasur konfirmim zyrtar.

Ajo pritet të takohet me udhëheqësit e partisë së saj të premten.

May ka qenë nën presion për të dhënë dorëheqje pasi disa deputetë të partisë së saj dolën kundër planit të ri të Brexit-it, të cilin May tha se do ta dërgojë për votim në parlament, transmeton rel.

Që nga janari i këtij viti, parlamenti britanik ka hedhur poshtë tri herë marrëveshjen e largimit të Britanisë nga BE-ja.

Britania është dashur të dalë nga Bashkimi Evropian më 29 mars por kryeministrja, Theresa May, nuk arriti të bindë ligjvënësit britanikë për të votuar marrëveshjen e arritur me udhëheqësit e BE-së.

Megjithatë ajo arriti të marrë pajtimin e BE-së për shtyrjen e afatit të Brexit-it deri më 31 tetor, datë kjo kur Britania duhet të dalë nga BE-ja me ose pa marrëveshje.

Komentet

Shto koment

Të ngjashme