Botë

Izraeli gati të nisë ‘pushtimin’ e Gazës si hakmarrje për sulmet ajrore

Trupat tokësore të Izraelit thuhet se po përgatiten të rrethojnë kufirin e Gazës pasi militantët palestinezë gjuajtën më shumë se 450 raketa në territorin e tyre e që vranë qytetarin e parë izraelit nga veprimet ushtarake që nga viti 2014.

Moshe Agadi, 58-vjeçar, baba i katër fëmijëve, u godit në gjoks nga një pjesë e një bombe, gjatë një sulmi me raketa në qytetin e Ashkelonit pranë Rripit të Gazës, raporton Daily Mail.

Tetë militantë palestinezë gjithashtu kanë vdekur në sulmet ajrore të cilat ishin pjesë e hakmarrjes së Izraelit që kryeministri Benjamin Netanjahu u zotua që të vazhdojë, transmeton Koha.net.

Një grua shtatzënë dhe një fëmijë njëvjeçar u vranë gjithashtu, por Izraeli pretendon se vdekjet e tyre janë shkaktuar nga një raketë palestineze e paligjshme.

Netanyahu thotë se Hamasi, grupi që udhëheqë me Gazën, po paguan një “çmim të rëndë” për sulmet në vendin e tij.

Ai ka urdhëruar përforcime të armatimit, artilerisë dhe këmbësorisë deri në perimetrin e territorit të rrethuar.