Botë

Rusia i reagon SHBA-së pas sanksioneve ndaj kryediplomatit të Venezuelës

Rusia i reagon SHBA-së pas sanksioneve ndaj kryediplomatit të Venezuelës
Foto: Reuters
 

Rusia ka akuzuar Shtetet e Bashkuar për “politika të shantazhit”, pasi Uashingtoni vendosi sanksione ndaj ministrit të Jashtëm të Venezuelës, Jorge Arreaza, si pjesë e përpjekjeve për të detyruar presidentin e kontestuar të Venezuelës, Nicolas Maduro që të largohet nga pushteti.

“Ne nxisim Shtetet e Bashkuara që të respektojnë ligjin ndërkombëtar, t’i japin fund politikës së shantazhit dhe të ndalojnë provokimin e tensioneve në Venezuelë”, thuhet në një njoftim të lëshuar më 26 prill nga Ministria e Jashtme ruse.