Botë

Salvini: Turqia s’ka vend në Evropë

Salvini: Turqia s’ka vend në Evropë

Zëvendës kryeministri italian Matteo Salvini ka thënë të hënën se Turqia nuk duhet të jetë kurrë një vend evropian, duke shtuar se negociatat e Ankarasë për të hyrë në Bashkimin Evropian, duhet të ndërpriten një herë e mirë.

Salvini përmendi gjithashtu ekstremizimin islamik si “armikun publik numër një” të Evropës, ndërsa theksoi mbrojtjen e kufijve të jashtëm të kontinentit si përparësi të një aleance që ai përpiqet të krijojë me udhëheqës të tjerë evropianë të partive të së djathtës së skajshme të tij.