Në shtatë zona të Stambollit do të rinumërohen votat

Në shtatë zona të Stambollit do të rinumërohen votat

03 April 2019 11:49

Komisioni Zgjedhor në Turqi vendosi të ketë rinumërim të votave në shtatë nga 39 zonat e Stambollit.

Numërimi fillestar i votave të zgjedhjeve lokale tregoi se kandidati kryesor i opozitës ishte në epërsi të ngushtë.

Mirëpo Partia për Drejtësi dhe Zhvillim e presidentit, Rexhep Tayyip Erdogan, e kundërshtoi rezultatin zgjedhor në Stamboll dhe Ankara pasi humbi kontrollin në këto dy qytete kryesore të Turqisë.

Mediat turke kanë thënë se kandidati i Partisë Republikane Popullore (CHP), Mansur Yavas ka shënuar fitore të qartë në Ankara, mirëpo rezultati ka qenë aq i ngushtë në Stamboll, sa që të dyja partitë kanë pretenduar fitore, transmeton rel.

Gazetat pro-qeveritare të mërkurën thanë se kishte pasur një konspiracion kundër Turqisë në zgjedhjet lokale. Gazeta Star e krahasoi rezultatin me një përpjekje grushti shteti të vitit 2016 dhe protestat kombëtare më 2013.

"Kush e organizoi grushtin e shtetit në kutinë e votimit", ishte titulli i faqes së parë në Star. "Ata donin të merrnin vullnetin kombëtar përmes vjedhjeve të organizuara dhe metodave të mashtrimit", shtoi ajo.

Presidenti Erdogan, i cili ka dominuar politikën turke, prej kur ka ardhur në pushtet 16 vjet më parë, dhe ka udhëhequr këtë shtet me masa secilën herë më të ashpra, ka bërë fushatë intensive gjatë dy muajve të fundit për votimet e së dielës, të cilat i ka cilësuar si “çështje të mbijetesës” për Turqinë.

Komentet

Shto koment

Të ngjashme