160 shtete nënshkruajnë deklaratë për migrim Foto: Reuters

160 shtete nënshkruajnë deklaratë për migrim

11 December 2018 20:51

Më shumë se 160 shtete të botës formalisht kanë miratuar deklaratën globale për imigrim, pavarësisht disa tërheqjeve dhe hezitimeve, transmeton KTV.

E vlerësuar si deklaratë për imigrim të sigurt, të rregullt dhe në rend, dokumenti u miratua në një konferencë të OKB-së në Marrakech në Marok.

Kjo është deklarata e parë ndër-qeveritare e OKB-së, e cila do të mbulojë të gjitha dimensionet e imigrimit ndërkombëtar. Në të qëndrojnë 23 qëllime me përkushtime dhe aksione që do të ndërmerren në rastet e imigrimit.

Derisa shumica e shteteve janë krejtësisht të përkushtuara ndaj deklaratës, më shumë se 20 shtete kanë hequr dorë nga nënshkrimi i saj ose janë të pavendosura. Sekretari i Përgjithshëm i OKB-së i ka garantuar këto shtete se deklarata nuk shkel në asnjë formë sovranitetin e tyre dhe u bëri thirrje për nënshkrim.

© KOHA

Komentet

Shto koment

Të ngjashme