BE-ja në luftë ndaj lajmeve të rreme për shkak të zgjedhjeve në Parlamentin Evropian Foto: Ilustrim

BE-ja në luftë ndaj lajmeve të rreme për shkak të zgjedhjeve në Parlamentin Evropian

05 December 2018 18:37

Zyrtarët e BE-së kanë kërkuar nga kompanitë e internetit si Google, Facebook dhe Twitter që të dorëzojnë raporte mujore mbi ecurinë e fushatës së "lajmit të rremë" nga platformat e tyre përpara zgjedhjeve të Parlamentit Evropian vitin e ardhshëm.

Përfaqësuesit e komitetit ekzekutiv të BE-së sot paraqitën masa që janë pjesë e një plani veprimi për të luftuar dezinformata, derisa Parlamenti Evropian voton pranverën e ardhshme, raporton AP.

Kompanitë e listuara pritet të dorëzojnë raporte nga janari deri në maj, kur do të zhvillohen zgjedhjet për PE, përkatësisht kur do të zgjidhen 705 deputetë të këtij institucioni, transmeton KP.

Në takimin e sotëm, Komisioni përvijoi Rusinë, të cilën e përshkroi si "burim i përhapjes së lajmeve të rreme" në Evropë.

Thuhet se shumë shtete anëtare të BE-së tashmë kanë ndërmarrë masa për të luftuar dezinformatën, por, siç tha nënkryetari i Komisionit Andrus Ansip, nevojitet një punë e koordinim i përbashkët.

Disa nga masat e parashikuara përfshijnë një "sistem alarmi të shpejtë", një buxhet më të madh, mjete të reja të analizës së të dhënave dhe angazhim të një numri më të madh ekspertësh.

Kompanitë Google, Facebook, Twitter dhe Mozilla kanë nënshkruar një marrëveshje me BE për të luftuar dezinfomatat, dhe sipas kërkesës së fundit të komisionit, ata duhet të informohen se zbatojnë detyrimet e përcaktuara me kod.

Deri tani, Google ka shtrënguar kontrollin mbi kërkesën për publikimin e reklamave politike, në bazë të të cilave mund të kërkojë informacione që i paguan ato, dhe e njëjta gjë është bërë edhe nga Facebook në Britani të Madhe.

Komentet

Shto koment

Të ngjashme