Një mjet shpërthyes u dërgohet me postë Clintonëve Foto: Reuters

Trumpi kërkon unifikim pas pakove të dyshimta te Obama dhe Clintoni

24 October 2018 15:29
21:25

Presidenti i SHBA-së, Donald Trump, ka thënë se Amerika duhet të jetë e unifikuar pas pakove të dyshimta të gjetura te shtëpia e ish-presidentit Barack Obama dhe ish-presidentit Bill Clinton.

Sipas Trumpit, aktet e tilla nuk kanë vend në Amerikë.

Ai ka thënë se siguria e popullit amerikan është prioritet i tij. Këtë e ka deklaruar pas takimit me krerët e FBI-së.

16:49

Te Shtëpia e Bardhë s’ka pako të dyshimtë

Shërbimi Sekret në Amerikë ka konfirmuar se ka pasur vetëm dy pako të dyshimta të ndalura nga autoritetet – një të adresuar për te ish-presidenti Clinton në New York dhe tjetra për te ish-presidenti Obama në Washington.

Më herët u raportua edhe për një pako të dyshimtë të gjetur te Shtëpia e Bardhë, por kjo është mohuar nga autoritetet.

16:19

Pas familjeve Clinton dhe Obama mjet shpërthyes edhe në Shtëpinë e Bardhë

Gjithashtu CNN-i raporton se një mjet i dyshimtë në adresë të Shtëpisë së Bardhë është penguar.

Shtëpia e Bardhë përmes një deklarate zyrtare ka dënuar sulmet ndaj familjeve Obama, Clintonëve, dhe figurave të tjera publike.

Për shkak të një pakoje të dyshimtë është duke u evakuuar edhe ndërtesa e CNN-it në New York.

Image
Foto e ndërtesës së CNN-it në New York. Foto e postuar në Twitter nga Jim Sciutto, moderator i lajmeve në CNN.
 

 
15:57

Mjete shpërthyese me postë u dërgohen familjeve Clinton dhe Obama

Shërbimi sekret i Shteteve të Bashkuara ka zbuluar dy mjete të dyshimta të dërguara në adresën e ish-presidentit Barack Obama dhe kandidates demokratike për presidente në vitin 2016, Hillary Clinton, raporton CNN.

As Obama dhe Clinton nuk kanë pranuar pakon dhe nuk kanë qenë në rrezik nga këto pako të dyshimta, ka thënë Shërbimi Sekret, transmeton Koha.net.

Këto pako të dyshimta janë zbuluar gjatë një kontrolli rutinë të postës.

Pakoja që shkonte në drejtim të Obamas ishte zbuluar në Washington të mëkurën në mëngjes, ndërsa ajo për Clintonin është zbuluar në New York, të martën.

Një pako e dyshimtë të martën është gjetur edhe George Soros, miliarder amerikan.

Autoritetet janë duke hetuar nëse ka lidhje mes tre pakove.

15:29

Një mjet shpërthyes u dërgohet me postë Clintonëve

Një mjet shpërthyes është zbuluar të mërkuren në mëngjes prej një nëpunësi që kontrollon postën e ish-presidentit amerikan, Bill Clinton dhe bashkëshortes së tij, njëherit ish-Sekretare amerikane e Shtetit dhe kandidate për presidente në zgjedhjet e kaluara në SHBA, Hillary Clinton.

Gazeta amerikane, “The New York Times”, duke iu referuar burimeve policore, raporton se eksplozivi ishte dërguar në adresën e tyre, në paralagje të New York Cityt, transmeton Koha.net.

Zyrtari policor ka thënë se mjeti shpërthyes ishte i ngjashëm me atë të gjetur në shtëpinë e filantropit miliarder, George Soros, të hënën.

© KOHA. Të gjitha të drejtat janë të rezervuara.

Komentet

Shto koment

Të ngjashme