11 persona kanë vdekur dhe më shumë se 20 janë zhdukur pasi uragani Agatha goditi shtetin Oaxaca në Meksikë, ka thënë guvernatori i shtetit të mërkurën, shkruan BBC.
Agatha arriti në tokë të hënën si uragan i kategorisë së dytë, më i forti që goditi brigjet e Meksikës në Paqësor në muajin maj që nga fillimi i regjistrimeve më 1949.
Shiu i dendur i sjellë nga Agatha shkaktoi rrëshqitje dheu dhe përmbytje.
Shumica e viktimave u rrëmbyen nga lumenjtë ose u mbytën në rrëshqitje dheu.
Agatha mbërriti në bregun e Meksikës pranë Puerto Angel me erëra deri në 169 km/h, por humbi forcën ndërsa lëvizte në brendësi të tokës.
Edhe
Tetë të vdekur si pasojë e uraganit që goditi Meksikën
Megjithatë, shirat e rrëmbyeshëm bënë që lumenjtë të vërshonin.
Shkencëtarët nga shërbimi i motit në SHBA kanë parashikuar një sezon shumë aktiv uraganesh për këtë vit me një numër mbi mesataren e stuhive të emërtuara, uraganeve dhe uraganeve të mëdha.
